جمهورك كده؟
- طلابك بيحفظوا ويختموا، وحياتهم زي ما هي.
- بيبدأوا بحماس، وبعد كام شهر يسيبوا.
- وليّ الأمر بيسألك: «ابني حفظ، طب اتغيّر فيه إيه؟».
- برامجك شبه برامج غيرك، ومحتاج اللي يفرّقك.
- المدارس بتطلب منك برنامج هوية وشخصية، ومش عندك.
الناقص مش محتوى زيادة. الناقص إن اللي اتعلّموه يوصل ليومهم.
الشراكات والمنصات
جذور مع شركائه
لشركات البرامج التعليمية، ومنصات القرآن والتعليم، والمؤسسات: جذور بعمقه، لجمهورك.
السبب، وجذور بيعمل إيه
اللي اتعلّموه في ناحية، ويومهم في ناحية تانية
عشان كده بيحفظوا وما يتغيّروش، وبيبدأوا وما يكمّلوش.
جذور بيشتغل في المسافة دي: بياخد اللي جمهورك اتعلمه، ويطلّعه من قلب يومه بالـ4 أسئلة. على منصتك، أو ضمن برامجك، أو برنامج مشترك.
فالمتعلم يطلع فاهم ليه، وعايش اللي اتعلمه، ويرجعلك عشان اللي بيحسه.
مين بنشتغل معاه
3 أنواع شركاء
شركات البرامج التعليمية للمدارس
جذور يبقى برنامج من برامجك اللي بتقدّمها للمدارس: ما بيعرّفش المصطلح، بيبني حواليه 4 أسئلة من واقع الطالب.
منصات القرآن والتعليم أونلاين
طلابك بيحفظوا ويتعلموا، وجذور بيخليهم يعيشوا اللي اتعلموه مع ربنا في يومهم.
المؤسسات والجمعيات والمراكز
برنامج مخصّص لجمهورك: شباب، أو أسر، أو موظفين، أو جالية.
نماذج الشراكة
إزاي نشتغل مع بعض
- جذور على منصتك: جلسات مباشرة أونلاين لجمهورك، بيقدّمها المؤسس بنفسه.
- جذور ضمن برامجك: بتعرضه على المدارس أو العملاء بتوعك، وإحنا بننفّذ.
- برنامج مشترك: نصمّمه مع بعض على احتياج جمهورك.
قبل أي بداية بنتفق كتابةً على: الحقوق، والشكل، والمسؤوليات، والشروط المالية.
الخطوات
- مكالمة نفهم فيها جمهورك واحتياجه.
- نموذج شراكة مقترح.
- بداية بنطاق محدد.
- اتفاق مكتوب، والتوسّع.
كل نموذج بالتفصيل
مين بيقدّم إيه
| النموذج | الشريك | جذور | الجمهور بياخد |
|---|---|---|---|
| جذور على منصتك | المنصة، والتسجيل، والجمهور | جلسات مباشرة يقدّمها المؤسس | جلسات حية بالأسئلة الأربعة |
| جذور ضمن برامجك | العرض على المدارس والعملاء | التنفيذ والمحتوى | برنامج جذور كامل |
| برنامج مشترك | فهم الجمهور واحتياجه | التصميم بمنهج جذور | برنامج مفصّل عليه |
مثال
منصة قرآن، وطالب حافظ «قل هو الله أحد»
الطالب حافظ السورة ومجوّدها. جذور بيضيف اللي بعد الحفظ:
«ليه ربنا عرّف نفسه في سورة قصيرة كده؟ وإيه اللي بيحصل في قلبك لما تعرف إن ربنا واحد، مالوش شبيه، ومش محتاج لحد؟ وإيه اللي بيحصل لما الإحساس ده يغيب؟ وإزاي تعيش بيه في يومك؟»
فالحفظ بيتحوّل لعلاقة، والطالب يرجع للمنصة عشان اللي بيحسه، مش عشان الدرس بس.
بنتفق عليه كتابةً قبل البداية
- حقوق المحتوى والتسجيلات.
- مين بيحصّل، ومين بيخدم العملاء.
- المسؤوليات والمواعيد.
- الشروط المالية.
طريقة جذور
نكتشف، نصحّح، ونأسس
- نكتشف: نتعرّف على الفهم الموجود عند الشخص، إيه اللي صح، وإيه اللي ناقص، وإيه اللي مش موجود. ومع الأطفال الصغيرين بنبدأ بالتأسيس على طول.
- نصحّح ونقوّي: نصحّح الفهم الغلط للمصطلح، ونقوّي الفهم الصح لما يكون ضعيف.
- نأسس: نزرع الجذور اللي كان لازم تكون موجودة.
كل مصطلح بنشوفه من خلال سنن الله، يعني القوانين اللي ربنا حطها للحياة، وبـ4 أسئلة:
ليه المصطلح ده موجود؟ إيه اللي بيحصل لما نعيشه؟ وإيه اللي بيحصل لما ما يبقاش موجود؟ وإزاي بيحصل، وإزاي نتعامل معاه؟بأمثلة من واقع الشخص نفسه، وتطبيق عملي، ومدة يطبّق فيها قبل الجلسة اللي بعدها.