جذورك هي اللي شايلة رحلتك، وهي اللي بتحدد وجهتك
جذور بيصلح الجذور اللي محتاجة إصلاح، ويغرس الجذور اللي لازم تكون موجودة، ويقوّي الجذور الصح الموجودة، وكله مقاس على سنن الله. للطفل والشاب والكبير.
فيديو تعريفي · للمدارس وأولياء الأمور
جذور في المدرسة، في 3 دقايق
الفيديو ده موجّه لمسار المدارس ودور الرعاية. فيديو بداية الرحلة وروّاد الرحلة قريب.
الفكرة
كل إنسان محتاج حد أدنى من الجذور
زي الشجرة بالظبط: اللي بيشيلها جذورها. وكل إنسان على وجه الأرض محتاج حد أدنى من الجذور المتوافقة مع سنن الله، يعني الفهم اللي ما يسعهوش يجهله: في الدين، والأخلاق، والتعاملات، والحياة، والقوانين اللي بيعدّي عليها في رحلته.
وجذور كل إنسان بتبان في تعريفه لكل مفهوم في واقعه: الرزق، والنجاح، والحسد، والصلاة، والفشل، والناس.
ولما الجذور دي تبقى غلط أو ضعيفة أو مش موجودة، بتنعكس على راحة باله، وعلى قراراته، وعلى قدرته يحقق أهدافه. وكل ما مسؤوليات الإنسان بتكبر، كل ما تأثير جذوره بيكبر معاها.
طريقة جذور
نكتشف، نصحّح، ونأسس
- نكتشف: نتعرّف على الفهم الموجود عند الشخص، إيه اللي صح، وإيه اللي ناقص، وإيه اللي مش موجود. ومع الأطفال الصغيرين بنبدأ بالتأسيس على طول.
- نصحّح ونقوّي: نصحّح المفهوم الخطأ، ونقوّي الفهم الصح لما يكون ضعيف.
- نأسس: نزرع الجذور اللي كان لازم تكون موجودة.
كل مفهوم بنشوفه من خلال سنن الله، يعني القوانين اللي ربنا حطها للحياة، وبتلات أسئلة:
ليه المفهوم ده موجود؟ إيه اللي بيحصل لما نعمله؟ وإيه اللي بيحصل لما ما نعملوش، أو لما يتعمل فينا؟بأمثلة من واقع الشخص نفسه، وتطبيق عملي، ومدة يطبّق فيها قبل الجلسة اللي بعدها.
ليه الجذور؟
جذور سليمة، رؤية كاملة، واختيار
لما الجذور تبقى سليمة وقوية، الإنسان بيشوف الصورة كاملة، فيبقى قادر يختار السعادة والسلام والسكينة واليسر، ويوصل بشكل أسهل لكل حاجة جميلة بيسعى لها، وتتسم رحلته بالفلاح في الدنيا والآخرة، إن شاء الله.
زي أي نموذج ذكاء اصطناعي: لو اتبنى على بيانات قديمة أو ناقصة، هيفضل محدود مهما حاولت معاه. ولو اتبنى على أساس قوي وشامل، قدرته على الفهم والتفاعل والإنتاج بتبقى مبهرة. والإنسان كده بالظبط.
إنت مين؟
جذور لكل مرحلة في الرحلة
ولي أمر أو مدرسة
مسار متصل من KG لحد تالتة ثانوي، جلسة أسبوعية لكل فصل.
جامعة
حوار مع الشباب حول مفاهيم واقعهم اللي عايشينه: الهوية، والنجاح والفشل، والرزق، والقدر، والاختيار. Workshop أو سلسلة جلسات، وللتفاصيل والمواعيد تواصل معانا.
دار رعاية مجانًا
بنقدّم جذور لدور الرعاية مجانًا، كمساهمة مجتمعية، بمجموعات حسب السن وبالتنسيق مع الدار.
روّاد الرحلة
لما بعد الجامعة، بمختلف الفئات والأعمار. Workshops لمراجعة الجذور وفهم الرحلة أوضح. تواصل معانا للمواعيد والتفاصيل.
مسار الطلاب بالتفصيل
من الحضانة للجامعة
- FEELالطفولة المبكرةKG لحد تالتة ابتدائي
- UNDERSTANDالطفولةرابعة لسادسة ابتدائي
- CHOOSEالمراهقةإعدادي
- OWNبداية الشبابثانوي
- BEGINبداية الرحلةالجامعة، من 18 لـ 22 سنة
- 8 جلسات لكل مجموعة، جلسة واحدة في الأسبوع.
- بمنهج أزهري وسطي، وبالتنسيق الكامل مع الإدارة.
- بالعربي أو بالإنجليزي.
- بنبدأ بجلسة تعريفية مجانية.
بنك المفاهيم
كل مفهوم بيحكم رحلة الإنسان على الأرض
أمثلة استرشادية، مش كل المفاهيم اللي بنشتغل عليها. المفاهيم بتتختار حسب الفئة وأسئلتها وواقعها.
الملفات
التعريف الكامل بالبرنامج
المؤسس
لؤي أبو زيدمؤسس جذور. خريج جامعة الأزهر (لغة إنجليزية وترجمة)، وحافظ للقرآن الكريم. صمّم جذور كمنظومة متصلة لكل الأعمار، وعنده خبرة نظرية وعملية في توصيل منهج جذور من سن KG لحد الكبار.