الجامعة والكبار
بداية الرحلة وروّاد الرحلة
لطالب الجامعة اللي بيسأل أسئلة واقعه، وللإنسان بعد الجامعة اللي بيسأل أسئلة رحلته.
بداية الرحلة · للجامعات
بالتنسيق مع إدارة الجامعة أو الأنشطة الطلابية: حوار مع الطلاب حول مفاهيم واقعهم اللي عايشينه: الهوية، والنجاح والفشل، والرزق، والقدر، والاختيار. Workshop أو سلسلة جلسات، وللتفاصيل والمواعيد تواصل معانا.
روّاد الرحلة · لما بعد الجامعة
لما بعد الجامعة، ولكل ما يتعلق بمفاهيم وتساؤلات الرحلة. Workshops لمراجعة الجذور وفهم الرحلة أوضح: ليه حاجات بتتعطل، وليه السلام الداخلي بيغيب، وإزاي تختار بوضوح. تواصل معانا للمواعيد والتفاصيل.
التفاصيل المالية والمواعيد والشكل المناسب بتتحدد بالتواصل المباشر.
الفكرة
كل إنسان محتاج حد أدنى من الجذور
زي الشجرة بالظبط: اللي بيشيلها جذورها. وكل إنسان على وجه الأرض محتاج حد أدنى من الجذور المتوافقة مع سنن الله، يعني الفهم اللي ما يسعهوش يجهله: في الدين، والأخلاق، والتعاملات، والحياة، والقوانين اللي بيعدّي عليها في رحلته.
وجذور كل إنسان بتبان في تعريفه لكل مفهوم في واقعه: الرزق، والنجاح، والحسد، والصلاة، والفشل، والناس.
ولما الجذور دي تبقى غلط أو ضعيفة أو مش موجودة، بتنعكس على راحة باله، وعلى قراراته، وعلى قدرته يحقق أهدافه. وكل ما مسؤوليات الإنسان بتكبر، كل ما تأثير جذوره بيكبر معاها.
طريقة جذور
نكتشف، نصحّح، ونأسس
- نكتشف: نتعرّف على الفهم الموجود عند الشخص، إيه اللي صح، وإيه اللي ناقص، وإيه اللي مش موجود. ومع الأطفال الصغيرين بنبدأ بالتأسيس على طول.
- نصحّح ونقوّي: نصحّح المفهوم الخطأ، ونقوّي الفهم الصح لما يكون ضعيف.
- نأسس: نزرع الجذور اللي كان لازم تكون موجودة.
كل مفهوم بنشوفه من خلال سنن الله، يعني القوانين اللي ربنا حطها للحياة، وبتلات أسئلة:
ليه المفهوم ده موجود؟ إيه اللي بيحصل لما نعمله؟ وإيه اللي بيحصل لما ما نعملوش، أو لما يتعمل فينا؟بأمثلة من واقع الشخص نفسه، وتطبيق عملي، ومدة يطبّق فيها قبل الجلسة اللي بعدها.
ليه الجذور؟
جذور سليمة، رؤية كاملة، واختيار
لما الجذور تبقى سليمة وقوية، الإنسان بيشوف الصورة كاملة، فيبقى قادر يختار السعادة والسلام والسكينة واليسر، ويوصل بشكل أسهل لكل حاجة جميلة بيسعى لها، وتتسم رحلته بالفلاح في الدنيا والآخرة، إن شاء الله.
زي أي نموذج ذكاء اصطناعي: لو اتبنى على بيانات قديمة أو ناقصة، هيفضل محدود مهما حاولت معاه. ولو اتبنى على أساس قوي وشامل، قدرته على الفهم والتفاعل والإنتاج بتبقى مبهرة. والإنسان كده بالظبط.
بنك المفاهيم
كل مفهوم بيحكم رحلة الإنسان على الأرض
أمثلة استرشادية من مجالات الدين والأخلاق والتعاملات والحياة، عشان توضّح نوع المفاهيم اللي بنشتغل عليها. وفي التطبيق الفعلي بنشتغل على البنك كامل، أو على حسب تصميم البرنامج لكل فئة.
الملفات