خارج مصر · أونلاين
جذور خارج مصر
سواء انت في دولة عربية أو خليجية، أو عايش في مجتمع بثقافة وعقائد مختلفة في أي مكان في العالم، جذور بيوصلك أونلاين، فردي أو جماعي.
في الدول العربية والخليجية
نفس مسارات جذور في مصر بالظبط
المدارس
من KG لحد الثانوي، بمراحل جذور: الطفولة المبكرة، والطفولة، والمراهقة، وبداية الشباب.
الجامعات · بداية الرحلة
بالتنسيق مع إدارة الجامعة أو الأنشطة الطلابية.
الكبار · روّاد الرحلة
لما بعد الجامعة، ولكل ما يتعلق بمفاهيم وتساؤلات الرحلة.
دور الرعاية مجانًا
مساهمة مجتمعية، في حدود الوقت اللي نقدر نخصصه.
الفرق الوحيد إن الجلسات أونلاين، لفرد أو لمجموعة.
في مجتمع بثقافة مختلفة
جذور جوّه القلب، وسط أي ثقافة
في أوروبا أو أمريكا أو آسيا، أو أي بلد ليه ثقافة وعادات وعقائد مختلفة، سواء اتولدت هناك أو عايش هناك. من خلال جالية عربية، أو مركز إسلامي، أو كفرد ليك أو لأسرتك.
هنا الأسئلة أعمق من "ليه أنا مختلف؟": فين ربنا؟ وإزاي علاقتي بيه تدخل قلبي وسط كل اللي حواليّ؟ عشان كده جذور بيركّز على:
- علاقة داخلية بالله في القلب، هي مصدر القوة والاتزان.
- هوية وشخصية ثابتة مش هشة، لأن جواها جذور بتحميها.
- انتماء لدين الله عن حب، وفعل متوافق مع سنن الله.
- وبعدها الجذور في العلاقات والأخلاق والحياة.
بمنهج أزهري وسطي، يناسب الحداثة والبيئة اللي عايش فيها.
شكل الجلسات
أونلاين، فردي أو جماعي، بتوقيت بلدك
- جلسات جماعية: لمدرسة، أو جامعة، أو دار رعاية، أو جالية، أو مركز إسلامي.
- جلسات فردية: لطفل، أو لشخص عايز يشتغل على جذوره بنفسه.
- جلسة أسبوعية، بنفس منهج جذور ومراحله.
- بالعربي أو بالإنجليزي.
- الميعاد بيتحدد على حسب توقيت بلدك.
- بنبدأ بمكالمة تعريفية مجانية (15 دقيقة)، نتفق فيها على المسار والشكل المناسب.
طريقة جذور
نكتشف، نصحّح، ونأسس
- نكتشف: نتعرّف على الفهم الموجود عند الشخص، إيه اللي صح، وإيه اللي ناقص، وإيه اللي مش موجود. ومع الأطفال الصغيرين بنبدأ بالتأسيس على طول.
- نصحّح ونقوّي: نصحّح المفهوم الخطأ، ونقوّي الفهم الصح لما يكون ضعيف.
- نأسس: نزرع الجذور اللي كان لازم تكون موجودة.
كل مفهوم بنشوفه من خلال سنن الله، يعني القوانين اللي ربنا حطها للحياة، وبتلات أسئلة:
ليه المفهوم ده موجود؟ إيه اللي بيحصل لما نعمله؟ وإيه اللي بيحصل لما ما نعملوش، أو لما يتعمل فينا؟بأمثلة من واقع الشخص نفسه، وتطبيق عملي، ومدة يطبّق فيها قبل الجلسة اللي بعدها.
فيديو تعريفي · للمدارس وأولياء الأمور
جذور في المدرسة، في 3 دقايق
الفيديو ده موجّه لمسار المدارس ودور الرعاية. فيديو بداية الرحلة وروّاد الرحلة قريب.
الملفات