برنامج بيساعد كل إنسان يبني علاقته بربنا من الداخل، من خلال المفاهيم اللي بيعيشها كل يوم في الدين والأخلاق والتعاملات والحياة. وده بينعكس على هويته وشخصيته، وعلى قدرته يختار السعادة، ويعيش بسلام خلال رحلته، ويوصل لغاياته بأيسر السبل. ومع الأطفال والناشئين، جذور برنامج تربوي بيبني هويتهم وشخصيتهم.

لأ، جذور مكمّل ليها. بيركّز على فهم معنى كل مفهوم وربطه بحياة الطالب اليومية، وبيتقدّم بالتنسيق الكامل مع إدارة المدرسة.

الإجابات المعتادة زي «عشان ربنا أمرنا» و«عشان إحنا مسلمين» و«عشان ندخل الجنة» مش غلط، بس لوحدها مش دايمًا بتكفي. جذور بيبدأ من حاجة أعمق: ليه المفهوم ده موجود؟ وإيه اللي بيحصل لما نعمله؟ وإيه اللي بيحصل لما ما نعملوش؟ ودايمًا من واقع الشخص نفسه. و«ربنا أمر» و«فيه حكمة» ماشيين مع بعض: ربنا بيحل الطيب وبيحرّم الخبيث، والحياة نفسها بتكشف جزء من الحكمة.

بيكتشف الجذور الموجودة عند الشخص قبل ما يبني، وبيجاوب كل «ليه» بأثرها الحقيقي في الحياة، وأي سؤال مرحّب بيه ومش بيتقفل. بيبني علاقة مباشرة بين الشخص وربنا من جوّه، مش التزام من بره، بجلسة واحدة في الأسبوع وتطبيق عملي بينهم عشان الفهم يثبت على نار هادية. ونفس المفهوم بيتقدّم لكل سن بلغته.

جذورك بتبان في تعريفك لكل مفهوم في حياتك: الرزق، والنجاح، والفشل، والحسد، والصلاة، والناس. ولو الجذور دي غلط أو ضعيفة أو مش موجودة، بيبان أثرها في راحة بالك، وفي قراراتك، وفي قدرتك توصل لأهدافك. خد مثال واحد: اللي بيرجّع كل حاجة سلبية في حياته للحسد والعين، سلامه في رحلته بيبقى أقل، ودايمًا متخوّف من اللي حواليه، ومش قادر يعيش على طبيعته، ومعدل سعادته كله بيتأثر بمفهوم واحد بس غلط، أو بجذر موجود بشكل خطأ، أو واخد أكبر من حجمه. وعشان كده أول خطوة في جذور هي الاكتشاف: نشوف إيه الصح عندك، وإيه الناقص، وإيه المش موجود.

لو طفل سأل «ليه بنصلي؟»، بنكلّمه بلغة سنه: زي ما في اللعبة لما تاخد كوينز أو هدايا بتقدر تعمل المطلوب منك أسهل وأسرع، الصلاة هي اللي بتخلّي قلبك مطمّن ومرتاح وأقوى قدام الحاجات اللي بتضايقك أو مخوفاك. وبعدها بيجرّب بنفسه أسبوع، ويحكي اللي اتغيّر. المثال كامل في صفحة المدارس.

للمدارس من KG لحد الثانوي، وللجامعات (بداية الرحلة) بالتنسيق مع إدارة الجامعة، وللكبار بعد الجامعة (روّاد الرحلة)، ولدور الرعاية مجانًا، وللعائلات والمؤسسات خارج مصر أونلاين.

جلسة واحدة في الأسبوع لكل فصل أو مجموعة، والدورة عادةً 8 جلسات، بأمثلة من واقع المشاركين وتطبيق عملي بين كل جلسة والتانية.

الاتنين، على حسب المدرسة أو المجموعة.

منهج أزهري وسطي، وكل مفهوم بيتشاف من خلال سنن الله وبتلات أسئلة: ليه موجود؟ إيه اللي بيحصل لما نعمله؟ وإيه اللي بيحصل لما ما نعملوش؟

لؤي أبو زيد، مؤسس جذور، حافظ للقرآن الكريم وخريج جامعة الأزهر.

بتتحدد بالتواصل المباشر، على حسب عدد الفصول أو المجموعات والمراحل. ودور الرعاية مجانًا.

أيوه، أونلاين، فردي أو جماعي: في الدول العربية والخليجية بنفس مسارات مصر، وفي أي مجتمع بثقافة مختلفة من خلال جالية أو مركز إسلامي أو كفرد ولأسرته.

المدارس بتبدأ بجلسة تعريفية مجانية، وأي حد يقدر يحجز مكالمة تعريفية مجانية 15 دقيقة من الموقع، أو يكلمنا على واتساب.