إنت بتقابل ده؟
- بتخاف من بكرة، حتى وإنت مش ناقصك حاجة.
- بتعمل اللي عليك، ولسه مش مرتاح.
- كلمة من حد تقلب يومك.
- بتتشتت: تبدأ كتير، وما تكمّلش.
- بتقارن نفسك بغيرك، وكل مرة تطلع خسران.
- نفس الغلطة بتتكرر، ومش عارف ليه.
- بتصلي وتدعي، ومش حاسس إن حاجة بتتغيّر.
- مش عارف إنت عايز إيه، ولا رايح فين.
ده مش ضعف فيك. ده ليه سبب، وليه قانون.
جذور · Rooted
جذورك هي اللي شايلة رحلتك، وهي اللي بتحدد وجهتك
جذور برنامج تربوي بيبني هوية الإنسان وشخصيته من جذورها: علاقته بربنا. بيكتشف الجذور الموجودة، ويصحّح الغلط ويقوّي الصح، ويأسس اللي ناقص، وكله مقاس على سنن الله. للطفل والشاب والكبير، في مصر وبرّه.
ليه جذور موجود
جذور بيقابلك في الموقف اللي بيهزّك
كل إنسان بيخاف، ويتوجع، ويتوه، ويتشتت، ويتكسر من أقل هزة. مش عشان الحياة صعبة، عشان بيقابلها وهو مقطوع عن المصدر: مصدر قوته واتزانه وسكينته. وماشي في تفاصيلها من غير ما يعرف القانون اللي بيحكمها.
جذور بيقابله هنا، جوه الموقف نفسه. ما بنجيبش الدين من برّه ونحطه على حياته. بنطلّع منهج ربنا وقوانينه من قلب حياته هو: من خوفه، وفلوسه، وصحابه، وفشله، وقراراته.
فيرجع موصول بالمصدر، فاهم اللي بيحصله، وعارف يعمل إيه وما يعملش إيه، ونتيجة كل اختيار.
الدين هو منهج ربنا للحياة: قوانينه وسننه في كل حاجة. واللي يفهم الدين، يفهم الحياة ويملك مفاتيحها، من صاحبها.
واقعك من جوه
إنت عايش وسط أسامي. معناها وصلك منين؟
كل جانب في حياتك جواه أسامي: جواك، والناس اللي حواليك، والأشياء. وكل اسم منها إنت عارف عنه حاجة. وفي جذور، كل اسم من دول مصطلح، ليه حقيقة وقانون عند اللي خلقه. خد مثال:
شاب، واسم واحد: «الفلوس». معناه وصله منين؟
«معاك قرش، تسوى قرش»← فهم إن قيمته بفلوسه.من دايرته الصغيرة
«في بيتنا، اللي معاه فلوس هو اللي كلمته مسموعة»← شاف بعينه إن الفلوس هي اللي بتجيب الاحترام.بالطريقة الصعبة
«صرفت كل اللي معايا عشان أبان قدام صحابي، ولما فلّست محدش فيهم سأل عليا»← فهم بعد ما اتوجع إن قيمته عمرها ما كانت في فلوسه، ولو كان عرف ده بدري ماكانش صرفها عشان يتشاف.
الشاب جمّع صورته عن الفلوس من 3 حتت: كلمة سمعها، وبيت شافه، وتمن دفعه. وآخر حتة بس هي اللي قرّبته من الحقيقة، وبعد ما خسر.
جذور بيوصّل المعنى ده قبل ما حد يدفع تمنه، بالأسئلة الأربعة: ليه الفلوس موجودة؟ وإيه اللي بيحصل لما نتعامل معاها صح؟ وإيه اللي بيحصل لما تغيب؟ وإزاي بتيجي، وإزاي نتعامل معاها؟
واقعك أسامي، وكل اسم ليه حقيقة، وعلى قد ما تعرف حقيقته بتمشي رحلتك.
بناء الإنسان
الإنسان بيتبني من جوه، قبل برّه
اللي بيتبني من برّه
أدوار البيت، ومحدش يستغنى عنها:
- شهادة ولغة
- شغل وفلوس
- علاقات وناس
- إنجازات
واللي بيتبني من جوه
الأساس اللي شايل كل ده، إنسان عنده بصمة ورسالة، وعارف:
- هو مين، ومين خلقه، وخلقه ليه
- فين حدوده، وفين قدرته
- الشيطان بيعمل إيه في واقعه وحياته
- فاهم إيه، وفاهمه إزاي، وفاهمه كده ليه، وجاب الفهم ده منين
تقدر تبني دور تاني وتالت وعاشر: شهادة، ولغة، وإنجاز… بس لو الأساس فاضي، أول هزة هتوقّع كله.
طريقة جذور، في كل الأبواب
ما بنعرّفش المصطلح، بنبني حواليه 4 أسئلة
مثال: الصلاة مش «الركن التاني من أركان الإسلام» وخلاص. ليه ربنا عايزنا نقف قدامه 5 مرات؟ وإيه اللي بيتغيّر في القلب لما نصلي؟ وإيه اللي بيحصل لما نسيبها؟ وإزاي نقيمها ونخشع فيها؟ ونفس الطريقة مع كل مصطلح: الرزق، والحسد، والصحاب، والنجاح.
ابدأ من هنا
إنت مين؟ اختار طريقك
المدارس
- المشكلة
- الطالب حافظ إن الصلاة فرض، بس ما يعرفش ليه يصلي، ولا إيه اللي بيتغيّر فيه لما يصلي. ونفس الحكاية مع الصدق، والصحاب، والمقارنة، وضغط المذاكرة.
- جذور بيعمل إيه
- بيبني هوية الطالب وشخصيته من علاقته بربنا. كل مصطلح بيتشرح بـ4 أسئلة من واقعه، لحد ما يعيشه بنفسه.
- تبدأ إزاي
- بفصل واحد: 8 جلسات أسبوعية، عربي أو إنجليزي.
الجامعات والكبار
- المشكلة
- شاب كل حاجة بتتعطل معاه يرميها على «اتحسدت» أو «ده نصيبي» أو «الظروف»، ويسيب السعي. وكبير شايل مسؤوليات، وماشي بأسامي عرفها بالسمع، أو من دايرته الصغيرة، أو بالطريقة الصعبة.
- جذور بيعمل إيه
- بيعرّفه حقيقة الأسامي اللي عايش بيها من سنن ربنا: الرزق، والقدر، والنجاح والفشل، والاختيار.
- تبدأ إزاي
- ورشة لمجموعة، أو سلسلة 8 جلسات، حضوري أو أونلاين.
دور الرعايةمجانًا
- المشكلة
- طفل في دار رعاية بيسأل: «هو ربنا معايا؟». وإجابة السؤال ده هتشيل رحلته كلها.
- جذور بيعمل إيه
- بيبني علاقة الطفل بربنا وهويته من جوه، بالتنسيق مع مشرفي الدار. أحباب الله المختارون بعناية في الأرض، وجذور ليهم واجب علينا.
- تبدأ إزاي
- مجموعات حسب السن، 8 جلسات، مجانًا بالكامل.
خارج مصر
- المشكلة
- ابنك في المدرسة برّه، وزميله يسأله: «إنت بتصلي ليه؟». الإجابة اللي هيقولها بتحدد هو شايف نفسه إزاي.
- جذور بيعمل إيه
- بيبني هوية ثابتة وعلاقة بربنا من جوه، تشيله في أي بلد وأي ثقافة.
- تبدأ إزاي
- أونلاين، فردي أو جماعي، بتوقيتك، عربي أو إنجليزي.
الشراكات والمنصات
- المشكلة
- طالب على منصتك بيحفظ آية عن الرزق، وفي نفس اليوم قلقان على مستقبله.
- جذور بيعمل إيه
- بيضيف لمحتواك حقيقة كل اسم في واقع جمهورك، من سنن ربنا.
- تبدأ إزاي
- جلسات على منصتك، أو ضمن برامجك، أو برنامج مشترك.
المنتجات الرقمية جاري زراعة البذور
- المشكلة
- أم بتقول لابنها «ربنا جميل، ربنا عظيم»، وعايزة توصّل له أكتر، ومش عارفة تبدأ منين.
- جذور بيعمل إيه
- كورس قصير للأطفال عن الأساسيات بين الطفل وربنا، وكتاب «لهذا تزوجتك».
- تبدأ إزاي
- سجّل، وهنبلغك أول ما ينزل.
اكتشف جذورك
مقياس قصير لكل فئة، بيوريك الجذور اللي إنت عايش بيها. من 3 لـ5 دقايق.
المؤسس
لؤي أبو زيدكل مصطلح في جذور، عاشه وعاش عكسه، وبعدين صقله علميًا: أزهري من أولى ابتدائي لحد الجامعة، وحافظ للقرآن الكريم. وبيقدّم كل جلسة بنفسه.
القصة كاملة ←